Tələbə Qəbulu üzrə Dövlət Komissiyası 2009-cu il mayın 3-də cari tədris ili üçün ali məktəblərin magistratura pilləsinə qəbul imtahanının birinci mərhələsini keçirmişdir.

İmtahan saat 11:00-da başlanmış, 13:30-da başa çatmışdır.
Nəticələr 2009-cu il mayın 4-də saat 18:00-dan etibarən TQDK-nın internet səhifəsində yerləşdirilmişdir. Bakalavrlar topladıqları ballar haqqında məlumatı "İmtahancell" xidmətindən də öyrənə bilərlər. Bunun üçün iş nömrəsini 7727 nömrəsinə SMS-lə göndərmək kifayətdir.
İmtahanda iştirak etmək üçün 15179 bakalavr qeydiyyatdan keçmişdi (Ötən il bu rəqəm 15124 olub).
Onlardan 14713 nəfəri imtahanda iştirak etmiş, 466 nəfər imtahana gəlməmişdir. 2 nəfərin nəticələri imtahanda köçürməyə yol verdiklərinə görə ləğv olunmuşdur. Birinci mərhələnin nəticələrinə görə 6383 bakalavr ikinci mərhələyə buraxılmışlar. Onlardan 3128 nəfərini oğlanlar, 3255 nəfərini isə qızlar təşkil edir.

İkinci mərhələdə iştirak hüququ qazanan bakalvrlardan 4357 nəfəri ali məktəblərin builki məzunlarıdır.

İkinci mərhələyə buraxılan bakalavrlar müəyyən olunacaq tarixdə elektron ərizələrinə daxil olaraq bitirdikləri bakalavr ixtisasına uyğun proqramı və ixtisasları seçərək təsdiq edəcəklər. Bu zaman hər bir bakalavra müxtəlif dövlət və qeyri-dövlət ali məktəblərinin təhsili ödənişsiz və ödənişli əsaslarla olan 10-dək ixtisas kodunu seçmək hüququ veriləcək. Seçilmiş ixtisaslar eyni bir qəbul proqramına aid olmalıdır.
ardı...